«Доңға» кен орны
«Доңға» мұнай-газ кен орны Маңғыстау облысының Түпқараған ауданында орналасқан. Кен орнының геологиялық қоры 106 млн. тонна мұнай мен 6 млрд. текше метр газды құрайды. Кен орны 1966 жылы ашылды.
«Доңға» жобасы Қазақстан Республикасының Үкіметі мен «Оман Ойл Компании Лимитед» компаниясының арасында жасалған 1994 жылғы 1 мамырдағы өнімді бөлу туралы шарттың (ӨБШ) шеңберінде іске асырылады. Доңға ӨБШ қолданылу мерзімі 30 жылды құрайды.
2019 жылғы 09 шілдеде ӨБШ қолданылу мерзімін 2039 жылға дейін ұзарта отырып, Доңға ӨБШ өзгерістер және толықтырулар енгізу туралы келісімге қол қойылды.
Қазіргі уақытта жобаның қатысушылары бірлесіп Контрактор деп аталатын «Dunga Operating GmbH» (60%), «Oman Oil Company Limited» (20%) және PTTEP (Қазақстан) Corporation (20%) табылады. Жоба Операторы болып «Dunga Operating GmbH» табылады.
Игеру кезеңдері
«Доңға» кен орны 2000 жылы сынақтық пайдалануға берілді.
2004-2006 жылдарда кен орнында көлденең және тік ұңғымалар бұрғыланып, тәжірибелік-өнеркәсіптік игеру жобасы іске асырылды.
2007 жылдан бастап осы уақытқа дейін «Доңға» кен орнында толыққанды игеру кезеңі жүзеге асырылып жатыр.
Доңға жобасы бойынша өндірістік бағдарлама
Қазіргі уақытта Доңға жобасын игерудің ІІІ кезеңі іске асырылып жатыр.
ІІІ кезең жобасы одан бұрын ІІ кезең шеңберінде бұрғыланған және консервацияланған өндіруші ұңғымаларды қосуды көздейді.
Доңға жобасының ІІІ кезеңі бойынша жұмыстардың көлемі мыналардан тұрады:
- Бұрғыланған 61 ұңғыманы жинау желісі бойынша қосу;
- Мұнай және газ дайындау бойынша өнімділікті арттыру;
- Теңіз суын дайындау бойынша өнімділікті арттыру;
- Қолданыстағы қондырғылардың тиімділігін арттыру;
- Газ дайындау жүйесінің қажетті сығымдау қуатын қамтамасыз ету;
- Мұнай экспорттау жүйесінің өткізу қабілетін арттыру;
- Инженерлік қамтамасыз ету жүйелері мен қосалқы жүйелерді кеңейту;
- 45 ұңғыманы су айдау қорына ауыстыру;
- Нысандарды түрлендіру жобалары (нысандардың өндірістік қауіпсіздігі мен сенімділігін қамтамасыз ету).
2023 жылы кен орнында 546,9 мың тонна мұнай және 40,8 млн. текше метр газ өндірілді.